The authentic food recipe
ಪ್ರತಿ ದಿನ ಬೇಳೆ ಸಾರು, ಟೋಮೇಟೋ ಸಾರು ತಿಂದು ಬೇಸರವಾಗಿದ್ದರೆ ಹೀಗೆ ಮಾಡಿ ನೋಡಿ. ಸುಲಭವಾಗಿ ಐದೇ ನಿಮಿಷದಲ್ಲಿ ಮಾಡಬಹುದು. ಅಥವಾ ಯಾವುದಾದರೂ ಸಮಾರಂಭಕ್ಕೆ ಹೋಗಿ ಬಂದಾಗ ಒಂದು ಹೊತ್ತಿಗೆ ಬೇಳೆ ಬೇಯಿಸಿ ಮಾಡಲು ಬೇಸರವಾಗಿದ್ದರೆ ಹೀಗೆ ಮಾಡಬಹುದು. ಮಾಡುವ ವಿಧಾನ :- ನಿಂಬೆ ಗಾತ್ರದ ಹುಣಿಸೆ ಹಣ್ಣು ತೊಳೆದು ಬಿಸಿ ನೀರಿನಲ್ಲಿ ನೆನೆಸಿ ರಸ ತೆಗೆದಿಡಿ. ಸ್ವಲ್ಪ ಕೊತ್ತಂಬರಿ ಸೊಪ್ಪು ತೊಳೆದು ಸಣ್ಣಗೆ ಹೆಚ್ಚಿಡಿ. ಕರಿಬೇವು ಸ್ವಲ್ಪ ತೊಳೆದಿಡಿ. ಒಂದು ಚಮಚ ಕರಿ ಮೆಣಸು, ಜೀರಿಗೆ …
ಬೂದುಗುಂಬಳ ಕಾಯಿಯಿಂದ ಸುಲಭವಾಗಿ ಮಾಡಬಹುದಾದ ಆಗ್ರಾದ ಜನಪ್ರಿಯ ಪೇಠಾದ ರೆಸಿಪಿ ಇಲ್ಲಿದೆ! ಮಾಡುವ ವಿಧಾನ :- ಆದಷ್ಟೂ ಬಲಿತಿರುವ ಗಟ್ಟಿಯಾದ ಅರ್ಧ ಕೇಜಿ ಬೂದುಗುಂಬಳ ಕಾಯಿಯನ್ನು ಸಿಪ್ಪೆ, ತಿರುಳು ತೆಗೆದು ದೊಡ್ಡ ದೊಡ್ಡದಾಗಿ ಹೆಚ್ಚಿಡಿ. ಒಂದು ಬಟ್ಟಲಿನಲ್ಲಿ ನೀರು ಹಾಕಿ 1 ಚಿಟಿಕೆ ಸುಣ್ಣ (ಎಲೆ ಅಡಿಕೆ ಜೊತೆಗೆ ಹಾಕಿಕೊಳ್ಳುವುದು) ಹಾಕಿ ಚೆನ್ನಾಗಿ ಕರಗಿಸಿ ಬೂದುಗುಂಬಳ ಕಾಯಿ ಹೋಳನ್ನು ಹಾಕಿ ಮೂರ್ನಾಲ್ಕು ಗಂಟೆ ನೆನೆಸಿಡಿ. ಹೀಗೆ ಮಾಡುವುದರಿಂದ ಪೇಠಾ ಬೆಳ್ಳಗೆ ಇರುತ್ತದೆ. ನಂತರ ನಾಲ್ಕೈದು ಬಾರಿ ಚೆನ್ನಾಗಿ …
ಪೆರಗು ಅಂದರೆ ತೆಲುಗಿನಲ್ಲಿ ಮೊಸರು ಎಂದು ಅರ್ಥ. ಗಟ್ಟಿಯಾದ ಹುಳಿ ಮೊಸರು ಹಾಕಿ ಮಾಡುವ ಬೋಂಡಾ ಇದು. ಆಂಧ್ರದ ಜನಪ್ರಿಯ ವಿಧಾನ ಇಲ್ಲಿದೆ. ಮಾಡುವ ವಿಧಾನ :- ಒಂದು ಹಿಡಿ ಸಾಬುದಾನ ಗಟ್ಟಿಯಾದ ಹುಳಿ ಮೊಸರು ಹಾಕಿ ಎರಡು ಗಂಟೆ ನೆನೆಸಿಡಿ. 2 ಈರುಳ್ಳಿ ಸಣ್ಣಗೆ ಹೆಚ್ಚಿಡಿ. ಸ್ವಲ್ಪ ಕೊತ್ತಂಬರಿ ಸೊಪ್ಪು ಸಣ್ಣಗೆ ಹೆಚ್ಚಿಡಿ. ನೆನೆಸಿದ ಸಾಬೂದಾನಕ್ಕೆ ಹೆಚ್ಚಿದ ಈರುಳ್ಳಿ, ಕೊತ್ತಂಬರಿ ಸೊಪ್ಪು, ಹಸಿ ಮೆಣಸಿನಕಾಯಿ, 1 ಚಿಕ್ಕ ಚಮಚ ಜೀರಿಗೆ, ಉಪ್ಪು ಹಾಕಿ ಚೆನ್ನಾಗಿ ಕಲೆಸಿ. …
ನಾಗರ ಚೌತಿ, ಪಂಚಮಿ ಹಬ್ಬಗಳಲ್ಲಿ ತಪ್ಪದೆ ಮಾಡುವ ಎಳ್ಳಿನ ಚಿಗಳಿ ಉಂಡೆಯ ರೆಸಿಪಿ ಇಲ್ಲಿದೆ! ಒಂದು ಅಳತೆ ಕಪ್ಪು/ ಬಿಳಿ ಎಳ್ಳು ಸ್ವಚ್ಛ ಮಾಡಿ ಪಟ ಪಟನೆ ಸಿಡಿಯುವವರೆಗೆ ಹುರಿದಿಡಿ. ಒಂದು ಅಥವಾ ಮುಕ್ಕಾಲು ಅಳತೆ ಬೆಲ್ಲ ಪುಡಿ ಮಾಡಿಡಿ. ಎರಡು ಏಲಕ್ಕಿ ಪುಡಿ ಮಾಡಿಡಿ. ( ಬೇಕಾದರೆ ) ಎಳ್ಳು ಬಿಸಿಯಾಗಿರುವಾಗಲೇ ಮಿಕ್ಸಿ ಜಾರ್ ಗೆ ಹಾಕಿ ಪುಡಿ ಮಾಡಿ. ಕೊನೆಯಲ್ಲಿ ಬೆಲ್ಲದ ಪುಡಿ ಹಾಕಿ ಮತ್ತೊಮ್ಮೆ ಪುಡಿ ಮಾಡಿ, ಏಲಕ್ಕಿ ಪುಡಿ ಹಾಕಿ ತಕ್ಷಣವೇ …
ಚೀಸ್ ಮಕ್ಕಳು ಮತ್ತು ದೊಡ್ಡವರು ಇಷ್ಟ ಪಟ್ಟು ತಿನ್ನುವ ಹಾಲಿನ ಪದಾರ್ಥ. ಇದರಿಂದ ಮಾಡಬಹುದಾದ ರುಚಿಯಾದ ಫ್ರೈಡ್ ರೈಸ್ ರೆಸಿಪಿ ಇಲ್ಲಿದೆ! ಮಾಡುವ ವಿಧಾನ:- ಬೀನ್ಸ್, ಕ್ಯಾರೆಟ್, ಕ್ಯಾಬೇಜ್, ಕ್ಯಾರೆಟ್ ಸ್ವಲ್ಪ ಸಣ್ಣಗೆ ಹೆಚ್ಚಿಡಿ. ಹಸಿ ಬಟಾಣಿ ಸ್ವಲ್ಪ ಬಿಡಿಸಿಡಿ. 1 ಲೋಟ ಬಾಸುಮತಿ ಅಕ್ಕಿಯನ್ನು ತೊಳೆದು ಕುಡಿಯುವ ನೀರಿನಲ್ಲಿ ಹಾಕಿ 90 % ಬೇಯಿಸಿಡಿ. 100 ಗ್ರಾಂನಷ್ಟು ಚೀಸ್ ಅನ್ನು ಚಿಕ್ಕದಾಗಿ ಹೆಚ್ಚಿಡಿ. ಬಾಣಲೆಯಲ್ಲಿ 1 ಚಮಚ ಎಣ್ಣೆ ಹಾಕಿ ಚೀಸ್, ಚಿಟಿಕೆ ಉಪ್ಪು, ಪೆಪ್ಪರ್ …
ನೈಲಾನ್ ಸಬ್ಬಕ್ಕಿಯಿಂದ ಮಾಡಬಹುದಾದ ಸಿಹಿಯಾದ, ರುಚಿಯಾದ ರೆಸಿಪಿ ಇಲ್ಲಿದೆ! ಮಾಡುವ ವಿಧಾನ :- ಒಂದು ಅಳತೆ ಬೆಲ್ಲ ಪುಡಿ ಮಾಡಿಡಿ. ಸ್ವಲ್ಪ ಗೋಡಂಬಿ, ಬಾದಾಮಿ, ದ್ರಾಕ್ಷಿ ಹುರಿದು ತೆಗೆದಿಡಿ. ಸ್ವಲ್ಪ ಒಣ ಕೊಬ್ಬರಿ ಚಿಕ್ಕ ಚಿಕ್ಕದಾಗಿ ಹೆಚ್ಚಿ. ಬಾಣಲೆಯಲ್ಲಿ ಒಂದು ಚಮಚ ತುಪ್ಪ ಹಾಕಿ ಎರಡನ್ನು ಹುರಿದಿಡಿ. ಬಾಣಲೆಯಲ್ಲಿ ಎಣ್ಣೆ ಬಿಸಿಯಾಗಲು ಇಡಿ. ಸ್ವಲ್ಪ ಸ್ವಲ್ಪವೇ ನೈಲಾನ್ ಸಬ್ಬಕ್ಕಿ ಹಾಕಿ ಗರಿ ಗರಿಯಾಗುವಂತೆ ಕರಿದು ತೆಗೆದಿಡಿ. ಹೆಚ್ಚಿನ ಎಣ್ಣೆ ತೆಗೆಯಲು ಕಿಚನ್ ಟವೆಲ್ ಮೇಲೆ ಹಾಕಿ. 2 …
ಗೋಭಿ ಪ್ರಿಯರೆ ಇದೋ ಇಲ್ಲಿದೆ ಒಂದು ಸುಲಭವಾಗಿ, ರುಚಿಯಾಗಿ ಮಾಡಬಹುದಾದ ಇನ್ನೊಂದು ರೆಸಿಪಿ. ಮಾಡುವ ವಿಧಾನ :- 1 ಚಿಕ್ಕ ಗೋಭಿಯನ್ನು ಚಿಕ್ಕ ಚಿಕ್ಕದಾಗಿ ಬಿಡಿಸಿ ಬಿಸಿ ನೀರಿನಲ್ಲಿ ಹಾಕಿ ತೊಳೆದಿಡಿ. 1 ದೊಡ್ಡ ಆಲೂಗೆಡ್ಡೆ ಸಿಪ್ಪೆ ತೆಗೆದು ದೊಡ್ಡ ದೊಡ್ಡದಾಗಿ ಹೆಚ್ಚಿಡಿ. ಸ್ವಲ್ಪ ಹಸಿ ಬಟಾಣಿ ಬಿಡಿಸಿಡಿ. 1 ಈರುಳ್ಳಿ, 2 ಟೋಮೋಟೋ ಸಣ್ಣಗೆ ಹೆಚ್ಚಿಡಿ. ಬಾಣಲೆಯಲ್ಲಿ 4 ಚಮಚ ಎಣ್ಣೆ ಹಾಕಿ ಗೋಭಿ, ಆಲೂಗೆಡ್ಡೆ, ಚಿಟಿಕೆ ಅರಿಷಿಣ ಹಾಕಿ ಸ್ವಲ್ಪ ಹುರಿದು ಬಟಾಣಿ ಸೇರಿಸಿ. …
ಬಾದಾಮಿಯಿಂದ ಮಾಡಬಹುದಾದ ರುಚಿಯಾದ ಬರ್ಫಿಯ ರೆಸಿಪಿ ಇಲ್ಲಿದೆ! ಮಾಡುವ ವಿಧಾನ :- ಒಂದು ಅಳತೆ ಬಾದಾಮಿಯನ್ನು ಬಿಸಿ ನೀರಿನಲ್ಲಿ ನೆನೆಸಿ ಸಿಪ್ಪೆ ತೆಗೆದು ನುಣ್ಣಗೆ ಪುಡಿ ಮಾಡಿಡಿ. ನೀರು ಹಾಕಬಾರದು. ಒಂದು ಅಳತೆ ಸಕ್ಕರೆಗೆ ಅರ್ಧ ಅಳತೆ ನೀರು ಸೇರಿಸಿ ಕುದಿಯಲು ಇಡಿ. ಸಕ್ಕರೆ ಪೂರ್ತಿಯಾಗಿ ಕರಗಿ ಒಂದೆಳೆ ಪಾಕ ಬಂದೊಡನೆ ಬಾದಾಮಿ ಪುಡಿ ಸೇರಿಸಿ ಗಂಟಿಲ್ಲದ ಹಾಗೆ ಚೆನ್ನಾಗಿ ಕಲೆಸಿ. ಎರಡು ಚಮಚ ತುಪ್ಪ ಹಾಕಿ ಕಲೆಸುತ್ತಾ ಇರಿ. ಮಿಶ್ರಣ ಗಟ್ಟಿಯಾಗಿ ಅಂಚನ್ನು ಬಿಡುತ್ತಾ …
ಸಾಧಾರಣವಾಗಿ ದೇವಸ್ಥಾನದಲ್ಲಿ ಮಾಡುವ ಶೈಲಿಯ ತರಕಾರಿಗಳ ಬಾತ್ ಸುಲಭವಾಗಿ ಮಾಡಬಹುದಾದ ರೆಸಿಪಿ ಇಲ್ಲಿದೆ! ಮಾಡುವ ವಿಧಾನ :- ಕಡಲೇ ಬೇಳೆ – 1 ಟೇಬಲ್ ಚಮಚ ಉದ್ದಿನ ಬೇಳೆ – 1 ಟೇಬಲ್ ಚಮಚ ಧನಿಯಾ – 1 ಟೇಬಲ್ ಚಮಚ ಒಣ ಕೊಬ್ಬರಿ – 3 ಟೇಬಲ್ ಚಮಚ ಚಕ್ಕೆ – 2 ಇಂಚು ಲವಂಗ – 4 ಏಲಕ್ಕಿ – 2 ಬ್ಯಾಡಗಿ ಮೆಣಸಿನಕಾಯಿ – 8 ರಿಂದ 10 ಗುಂಟೂರು ಮೆಣಸಿನ ಕಾಯಿ …
ಆಮ್ಲಾ ಅಂದರೆ ಬೆಟ್ಟದ ನೆಲ್ಲಿಕಾಯಿ ಆರೋಗ್ಯಕ್ಕೆ ಒಳ್ಳೆಯದು! ವಿಟಮಿನ್ ‘ಸಿ’ ಬೆಟ್ಟದಷ್ಟು ತುಂಬಿದೆ. ಇದರ ರುಚಿಯಾದ ಜ್ಯೂಸ್ ಮಾಡುವ ರೆಸಿಪಿ ಇಲ್ಲಿದೆ! ಮಾಡುವ ವಿಧಾನ:- 2 ಅಥವಾ 3 ಬೆಟ್ಟದ ನೆಲ್ಲಿಕಾಯಿ ತೊಳೆದು ಸಣ್ಣಗೆ ಹೆಚ್ಚಿ ಬೀಜ ತೆಗೆದು ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿ ಶೋಧಿಸಿ. ಚಿಟಿಕೆ ಉಪ್ಪು, 1 ಚಮಚ ಜೇನುತುಪ್ಪ ಸೇರಿಸಿ ಚೆನ್ನಾಗಿ ಕಲೆಸಿ ತಕ್ಷಣ ಕುಡಿಯಿರಿ. ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು ಸಕ್ಕರೆ ಅಥವಾ ಬೆಲ್ಲ ಬೇಕಾದರೂ ಹಾಕಿಕೊಳ್ಳಬಹುದು. ಧನ್ಯವಾದಗಳು