ಸುಲಭವಾಗಿ ಮಾಡಬಹುದಾದ ಆರೋಗ್ಯಕರವಾದ ಸಿಹಿಯ ರೆಸಿಪಿ ನಿಮಗಾಗಿ!
ಮಾಡುವ ವಿಧಾನ:-
1 ಅಳತೆ ಕಡಲೇ ಬೀಜ ಗರಿ ಗರಿಯಾಗಿ ಹುರಿದು ಸಿಪ್ಪೆ ತೆಗೆದು ನುಣ್ಣಗೆ ಪುಡಿ ಮಾಡಿಡಿ.
1 ಅಳತೆ ಬೆಲ್ಲ ಪುಡಿ ಮಾಡಿಡಿ.
ಸ್ವಲ್ಪ ಏಲಕ್ಕಿ ಪುಡಿ ಮಾಡಿಡಿ.
ಬಾಣಲೆಯಲ್ಲಿ ಬೆಲ್ಲದ ಜೊತೆಗೆ ಕಾಲು ಭಾಗದಷ್ಟು ನೀರು ಹಾಕಿ ಪಾಕ ಬರಲು ಬಿಡಿ. ಒಂದೆಳೆ ಪಾಕ ಬಂದೊಡನೆ ಕಡಲೇ ಬೀಜದ ಪುಡಿ ಸ್ವಲ್ಪ ಸ್ವಲ್ಪವೇ ಹಾಕುತ್ತಾ ಚೆನ್ನಾಗಿ ಕಲೆಸಿ.
ಜೊತೆಗೆ 4 ಚಮಚ ತುಪ್ಪ ಹಾಕಿ.
ಕಡಿಮೆ ಉರಿಯಲ್ಲಿ ಮಿಶ್ರಣವೆಲ್ಲಾ ಒಂದೇ ಉಂಡೆಯಂತೆ ಆದಾಗ ಒಲೆಯಿಂದ ಇಳಿಸಿ ತುಪ್ಪ ಸವರಿದ ತಟ್ಟೆಗೆ ಸುರಿದು ಸ್ವಲ್ಪ ತಣ್ಣಗಾದ ಮೇಲೆ ನಿಮಗೆ ಬೇಕಾದ ಆಕಾರದಲ್ಲಿ ಕತ್ತರಿಸಿ ಸವಿಯಿರಿ!
ಧನ್ಯವಾದಗಳು! 
