ಬಾಳೆ ಹಣ್ಣಿನ ರಸಾಯನ ಸಾಮಾನ್ಯವಾಗಿ ಎಲ್ಲರೂ ದೇವರ ನೈವೇದ್ಯಕ್ಕೆ ಮಾಡುತ್ತಾರೆ! ಅದನ್ನೇ ಸ್ವಲ್ಪ Different ಆಗಿ ಮಾಡಿದರೆ ದೇವರಿಗೂ ಇಷ್ಟ ಆಗಬಹುದೇನೋ? ಒಮ್ಮೆ ಹೀಗೆ ಮಾಡಿದರೆ ಹೇಗೆ?!
ಸ್ಟಫ್ಡ್ ಬನಾನಾ ಮಾಡುವ ವಿಧಾನ:-
1/2 ಹೋಳು ತೆಂಗಿನ ಕಾಯಿ ತುರಿದಿಡಿ.
1/2 ಲೋಟ ಬೆಲ್ಲ ತುರಿದಿಡಿ.
ಸ್ವಲ್ಪ ಗೋಡಂಬಿ ದ್ರಾಕ್ಷಿ ಬಾದಾಮಿ ಸಣ್ಣಗೆ ಹೆಚ್ಚಿಡಿ.
ಬಾಣಲೆಯಲ್ಲಿ ಕಾಯಿ ತುರಿ, ಬೆಲ್ಲದ ಪುಡಿ, Dry fruits ಹಾಕಿ ಸ್ವಲ್ಪ ಹುರಿದಿಡಿ. ಚಿಟಿಕೆ ಏಲಕ್ಕಿ ಪುಡಿ ಬೇಕಾದರೆ ಸೇರಿಸಿ ಕಲೆಸಿಡಿ.
ಪಚ್ಚ ಬಾಳೆ ಹಣ್ಣು ಸಿಪ್ಪೆ ತೆಗೆದು 2 ಇಂಚು ಅಳತೆಗೆ ತುಂಡು ಮಾಡಿ. ಮಧ್ಯದಲ್ಲಿ ಎಚ್ಚರಿಕೆಯಿಂದ ಸೀಳಿ, ಕಾಯಿಯ ಮಿಶ್ರಣವನ್ನು ತುಂಬಿ, ಒಂದು ಟೂತ್ ಪಿಕ್ ಚುಚ್ಚಿಡಿ.
ಎಲ್ಲಾ ತುಂಡುಗಳನ್ನು ಸಿದ್ಧವಾದ ಮೇಲೆ, ಬಾಣಲೆ/ ತವಾ ಮೇಲೆ 2 ಚಮಚ ತುಪ್ಪ ಹಾಕಿ ಬಾಳೆ ಹಣ್ಣಿನ ತುಂಡುಗಳನ್ನು ಜೋಡಿಸಿ, ಕಡಿಮೆ ಉರಿಯಲ್ಲಿ ಬಾಳೆ ಹಣ್ಣು ಕೆಂಪಗಾಗುವವರೆಗೆ ಬೇಯಿಸಿದರೆ ಸ್ಟಫ್ಡ್ ಬನಾನಾ ಸವಿಯಲು ಸಿದ್ಧ!
ಊಟದ ನಂತರ Dessert ನ ಹಾಗೆ ಸವಿಯಲು ತುಂಬಾ ಚೆನ್ನಾಗಿರುತ್ತದೆ!
ಧನ್ಯವಾದಗಳು.
